Համագործակցություն ընկերությունների հետ
Base Studio-ն ընկերություններին և կազմակերպություններին հրավիրում է համագործակցության՝ մեր տաղանդավոր ուսանողներին պրակտիկայի հնարավորություններ ապահովելու համար: Մենք ձգտում ենք նրանց ապահովել գործնական փորձով, որը կօգնի զարգացնել նրանց մասնագիտական հմտությունները և կառուցել հաջողակ կարիերա:
Մեզ հետ համագործակցելու առավելությունները
Անվճար աշխատանք։Մենք հոգում ենք կազմակերպչական բոլոր ասպեկտները՝ գործընթացը հեշտացնելու և ձեզ համար հնարավորինս հարմար դարձնելու համար: Ձեր կողմից տրված նախագծերը մեր ուսանողները կկատարեն անվճար։
Տաղանդավոր ուսանողների ներգրավում:Մեր ուսանողները վերապատրաստված են բարձր չափանիշներով և պատրաստ են գործնականում կիրառել իրենց գիտելիքներն ու հմտությունները՝ բերելով թարմ գաղափարներ և նորարարական լուծումներ ձեր նախագծերին:
Ստեղծագործական գաղափարներ։Երիտասարդ մասնագետները բերում են նոր հեռանկարներ և ստեղծագործ գաղափարներ, որոնք կարող են նոր շունչ հաղորդել ձեր նախագծերին և խթանել նորարարությունը: Նրանց խանդավառությունն ու նոր մտքերը կօգնեն ձեր բիզնեսին մնալ ոլորտի առաջատար դիրքերում:
Նախնական գնահատման հնարավորություն։Պրակտիկան բացառիկ հնարավորություն է տալիս գնահատելու մեր ուսանողների ներուժը իրական աշխատանքային պայմաններում: Սա թույլ է տալիս դիտարկել նրանց հետագա աշխատանքի հնարավորությունը՝ նվազեցնելով անձնակազմի ընտրության ծախսերը և ռիսկերը:
Աջակցություն և մենթորություն։Մենք ակտիվորեն աջակցում ենք մեր ուսանողներին և գործընկերներին պրակտիկայի բոլոր փուլերում: Մեր փորձառու մենթորները տրամադրում են որակյալ ուղղորդում և օգնություն՝ նպաստելով ուսանողների հաջող ինտեգրմանը աշխատանքային միջավայրում:
Մեզ հետ համագործակցության փուլերը
Հաստատել կոնտակտ:Սեղմեք վերևում գտնվող համագործակցել կոճակը և լրացրեք դաշտերը կամ կապվեք մեզ հետ՝ օգտագործելով կայքում տեղադրված կոնտակտային տվյալները: Մենք կկապվենք Ձեզ հետ մանրամասները քննարկելու և համագործակցության ամենահարմար ձևաչափերը որոշելու համար:
Ձևաչափի սահմանում:Մեզ հետ միասին կընտրեք պրակտիկայի ձևաչափերն ու տևողությունը, որոնք առավել հարմար են Ձեր ընկերությանը: Մենք առաջարկում ենք ճկուն պայմաններ, որոնք լավագույնս համապատասխանում են Ձեր կարիքներին և ակնկալիքներին:
Ուսանողների ընտրություն:Պայմանները համաձայնեցնելուց հետո մենք կընտրենք ուսանողներին, ովքեր լավագույնս համապատասխանում են ձեր պահանջներին:
Պրակտիկայի մեկնարկ:Երբ պայմանագիրը ստորագրվի և թեկնածուները հաստատվեն, կսկսենք պրակտիկայի գործընթացը: Մենք կտրամադրենք բոլոր անհրաժեշտ աջակցությունը, գործընթացի վերահսկումը և կանոնավոր հետադարձ կապը՝ ապահովելու, որ պրակտիկան հնարավորինս արդյունավետ լինի:
Համագործակցության պայմանները
1.
Թողնել կարծիք ուսանողի աշխատանքի որակի մասին։
2.
Թույլ տալ հրապարակել ձեր նախագիծը որպես ուսանողի պորտֆոլիո:
3.
Թույլ տալ մեր կայքում նշել ձեր ընկերության հետ համագործակցության մասին (նշելով լոգոն):
Պրակտիկայի մասնագիտական ոլորտները
Գրաֆիկ դիզայն:Համագործակցեք մեզ հետ, որպեսզի ապահովեք գրաֆիկ դիզայնի ոլորտում պրակտիկ աշխատանքի համար նախագծեր։ Օգնեք մեր ուսանողներին բարելավել վիզուալ հաղորդակցությունը և բրենդինգի արվեստը:
UX/UI դիզայն։Համագործակցության արդյունքում ձեր կողմից տրամադրված ինֆորմացիայի հիման վրա մեր ուսանողները կստեղծեն ձեր կազմակերպության կայքի գեղեցիկ և ժամանակակից դիզայնը:
Ծրագրավորում:Համագործակցեք մեր ուսանողների հետ ծրագրավորման նախագծերում, կիսվեք ձեր գաղափարներով, որոնց հիման վրա նրանք կստեղծեն ինտերակտիվ կայքեր ձեզ համար՝ բարելավելով իրենց մասնագիտական հմտությունները:
3D մոդելավորում:Համագործակցելով մեր ուսանողների հետ կարող եք տրամադրել 3D մոդելավորման առաջադրանքներ, որոնք մեր ուսանողները կկատարեն՝ ստանալով արժեքավոր գործնական փորձ և ընդլայնելով իրենց պորտֆոլիոն:
Ինտերիեր դիզայն։Համագործակցեք մեզ հետ ինտերիեր դիզայնի ոլորտում՝ ներկայացնելով նախագծեր մեր ուսանողների համար։ Գործընկերները կարող են ներկայացնել ինտերիեր դիզայնի իրական նախագծեր, որպեսզի մեր ուսանողները կատարեն՝ զարգացնելով իրենց հմտությունները և ձեռք բերեն կարևոր աշխատանքային փորձ:
Համոզված ենք, որ Base Studio-ի հետ համագործակցությունը բազմաթիվ նոր հնարավորություններ կբերի և կարևոր քայլ կլինի ինչպես ձեր ընկերության, այնպես էլ մեր ուսանողների զարգացման գործում: Ձեր ներդրումը կօգնի զարգացնել մասնագետների նոր սերունդ, որոնք պատրաստ են ժամանակակից արդյունաբերության մարտահրավերներին: